कोरोमा माहामारीमा पनि सामाजिक काममा अग्रसर रोटरी क्लब अफ विराटनगर डाउनटाउन - News Birat

कोरोमा माहामारीमा पनि सामाजिक काममा अग्रसर रोटरी क्लब अफ विराटनगर डाउनटाउन

न्यूज विराट

विराटनगर, २३ असोज–विश्वव्यपी माहामारिका रुपमा फैलिएको कोरोना भाइरस कोभिड–१९ का बिच पनि रोटरी क्लब अफ विराटनगर डाउन टाउन सामाजिक कार्यमा अग्रसर बन्दै आएको छ । नियमित विभिन्न सामाजिक कार्य गर्दै आएको रोटरी क्लब अफ विराटनगर डाउन टाउनले मस्तिष्क पक्षाघातबाट पिडित बालबालिकाका अभिभाकलाई सहयोग सामाग्री वितरण गरेको छ ।

मस्तिष्क पक्षाघातबाट पिडित बालबालिकाका अभिवावकलाई क्लबले खाद्यान्न, स्टेशनरी, खेलौनालगायतका सामाग्री वितरण गरेको हो । सेरेप्रल पाल्सीले पिडित बालबालिका दिवसको अवसर पारेर शहिद मैदान छेउको आदर्श पुस्तकालयमा क्लबका अध्यक्ष दिप्ती अग्रवाल र सचिव गिरिजा सारडा लगायतले मंगलबार १५ जना जना अभिभावकलाई हर्लिक्स्, चकलेट, बिस्कुट, रंग, रंग भर्ने किताब, नोटबुक, पेन्सिल, खेलौना लगायतका सामाग्री वितरण गरे । सहयोग सामाग्री वितरणमा कोरोना माहामारीका कारण बालबालिकालाई भने सहभागि नगराइएको क्लबका अध्यक्ष दिप्ती अग्रवालले बताइन् ।

६ अक्टोबरमा मस्तिष्क पक्षाघातबाट पिडित बालबालिका दिवस मानाइने गरिन्छ । आदर्श पुस्तकालयका स्थापना २००३ सालमा भएको थियो । सो पुस्तकालयको सञ्चालन रोटरी क्लब अफ विराटनगरले गर्दै आएको छ । क्लबले यस अघि विराटनगरस्थित विराटेश्वर बृद्धा आश्रममा आश्रित जेष्ठ नागरिकलाई खाद्यान्न तथा लत्ताकपडा वितरण गरेको थियो । त्यसैगरी कोरोना भाइरसको संक्रमण रोकथामका लागि विभिन्न संस्थालाई स्वास्थ्य सामाग्री वितरण, विपन्न वस्तिमा राहतसमेत वितरण गरेको छ । क्लबले यसरीनै नियमित सामाजिक मामहरु गर्दै आएको सचिव गिरिजा सारडाले बताइन् ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles