निशानदेवीले वितरण गर्यो मोरङका पत्रकारलाई सुरक्षा सामग्री - News Birat

निशानदेवीले वितरण गर्यो मोरङका पत्रकारलाई सुरक्षा सामग्री

न्यूज विराट

विराटनगर, १६ असोज–मोरङका पत्रकारहरुलाई सुरक्षा सामाग्री वितरण गरिएको छ । निशानदेवी मिडिया प्रालिले कोरोना माहामारीकाबिच पनि अग्रपंक्तिमा रहेर खटिने जिल्लाका तीन दर्जन पत्रकारहरुलाई स्वास्थ्य सुरक्षा सामाग्री वितरण गरेको हो । निशानदेवी मिडिया प्रालिले एक कार्यक्रमकाबिच जिल्लामा अग्रभागमा रहेर समाचार संकलनमा खटिने ३५ जना पत्रकारहरुलाई प्रेस ज्याकेट, मास्क र फेस शिल्ड लगायतका सामग्री वितरण गरेको हो । सुरक्षा सामाग्री नेपाल पत्रकार महासंघ मोरङका अध्यक्ष बन्धु पोखरेललाई निशानदेवी मिडिया प्रा.लि. का अध्यक्ष तथा नेपाल पत्रकार महासंघका केन्द्रीय सदस्य गोपाल बराइलीले हस्तान्तरण गरे ।

बराइलीका अनुसार गरिजाप्रसाद कोइराला फाउण्डेसनकी अध्यक्ष सुजाता कोइराला र अमेरिका शाखाका अध्यक्ष सोमनाथ घिमिरेको विषेश पहलमा सुरक्षा सामाग्री संकलन गरिएको थियो । सुरक्षा सामाग्रीका लागि नेपाली जनसम्पर्क समिति अमेरिकाका नेता मुनिन्द्र नेम्वाङ, नेपाली कांग्रेसका युवा नेता कृष्णराज गिरी, पेन्सल भेनियामा बसोवास गर्ने सामाजिक अभियान्ता अर्जुन बोसेलले आर्थिक सहयोग गरेका थिए ।

सो अवसरमा अध्यक्ष बराइलीले व्यक्तिगत सुरक्षा अपनाउँदै आफ्नो दायित्व पूरा गर्न पत्रकार तथा सञ्चारकर्मीलाई आग्रह गर्दै पत्रकारको पेशागत सुरक्षाको माग गरे । उनले सरकारले कोभिड–१९ को बेलामा रोजगारबिहीन भएका पत्रकारहरुलाई आर्थिक सहायता र राहत नदिएको गुनासो पोखे ।

उनले विदेशी भुमीमा रहेर पनि कोरोना कहरमा नेपाली सञ्चारकर्मीहरुको स्वास्थ्य अवस्थालाई मध्यनजर गर्दै आर्थिक सहयोग गरेकामा सबैलाई धन्यवाद दिँदै आगामी दिनमा पनि सहयोग जारी रहने आशा व्यक्त गरे ।

कार्यक्रममा नेपाल पत्रकार महासंघ मोरङकाम अध्यक्ष बन्धु पोखरेलले सुरक्षा सामाग्री आवश्यक सञ्चारकर्मीहरुलाई वितरण गरिने बताए । उनले पत्रकारहरुले आफ्नो स्वास्थ्यको समेत ख्याल नगरि समाजलाई सुसुचित गराइरहेकाले पत्रकारको सुरक्षाका लागि सवैले सहयोग गर्नुपर्ने बताए ।

उनले जिल्लाका कार्यरत पत्रकार एवम सञ्चारकर्मीहरुका लागि सहयोग पुर्याएकोमा गिरिजाप्रसाद कोइराला फाउण्डेसन, सुजाता कोइराला र निशानदेवी मिडिया प्रालिलाई धन्यवाद समेत व्यक्त गरे । सो अवसरमा राष्ट्रिय दलित पत्रकार संघ मोरङका अध्यक्ष किशोर विश्वकर्मा, मधेशी पत्रकार समाजका अध्यक्ष श्यामसुन्दर सुतिहार लगायतकोसमेत उपस्थिती रहेको थियो ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles