विराटनगर, १५ असोज–पछिल्लो २४ घण्टामा प्रदेश १ मा थप ३ जनाको मृत्यु भएको छ । सुनसरीका दुई पुरुष र मोरङकी एक महिलाको मृत्यु भएको हो । योसँगै कोरोना संक्रमणबाट मृत्यु हुनेको संख्या ७४ पुगेको सामाजिक विकास मन्त्रालयले जनाएको छ ।

प्रदेश १ मा पछिल्लो २४ घण्टामा एक सय ८२ संक्रमित थपिएका छन् । मोरङमा ९८, सुनसरीमा ६८, झापामा सात , ताप्लेजुङ र भोजपुरमा एक÷एक र प्रदेश १ बाहिरका सात जना रहेको सामाजिक विकास मन्त्रालयले जनाएको छ ।

मन्त्रालयका अनुसार बिहिबार प्रदेश राजधानी विराटनगरमा ६८ जनामा संक्रमण देखिएको छ । संक्रमण देखिएकामा २६ महिला र ४२ पुरुष रहेका छन् । त्यसैगरी मोरङको जहदामा छ महिला ११ पुरुष, धनपालथानमा ४ पुरुष, ग्रामथानमा एक महिला दुई पुरुष, कटहरीमा एक महिला एक पुरुष, बुढीगंगामा दुई पुरुष, केराबारीमा एक महिला, स्थानीयतह नखुलेका १ पुरुषमा संक्रमण देखिएको सामाजिक विकास मन्त्रालयले जनाएको छ ।

उता सुनसरीको धरानमा ११ महिला ३३ पुरुष, इटहरीमा ६ महिला १३ पुरुष, रामधुनीमा एक महिला दुई पुरुष, दुहवीमा एक१ महिला, स्थानीयतह नखुलेका एक पुरुष, झापाको विर्तामोडका दुई महिला दुई पुरुष, अर्जुनधारामा दुई पूरुष, गौरादहका एक१ महिला, ताप्लेजुङ र भोजपुरको अरुणका एक÷एक पुरुष र प्रदेश १ बाहिरका एक महिला छ पुरुषको रिपोर्ट पोजेटिभ आएकोे छ । बिहिबार कोरोना पुष्टि भएकासँगै प्रदेश १ मा कोरोना संक्रमितको संख्या छ हजार नौ सय ८० पुगेको छ ।

प्रदेश १ मा बिहिबार एक सय ७४ जना डिस्चार्ज भएका छन् । होम आईसोलेसनबाट एक सय ३९, कोभिड–१९ आईसोलेसन अस्पताल गोठगाउँबाट २३, कोशी अस्पताल कोभिड १९ उपचार केन्द्र विराटनगरबाट सात र मेची अस्पताल झापाबाट पाँच जना डिस्चार्ज भएका हुन् ।

मन्त्रालयका अनुसार बिहिबार डिस्चार्ज भएकासँगै हालसम्म तीन हजार दुई सय ७२ जना कोरोना मुक्त भएका छन् । प्रदेश १ मा बिहिबार नौ सय ७८ जनाको पीसीआर परीक्षण गरिएको छ । परीक्षण गरिएकामध्ये ६० महिला र एक २२ को रिपोर्ट पोजेटिभ आएको छ । हालसम्म प्रदेश १ मा एक लाख २४ हजार सात २३ जनाको पीसीआर परीक्षण गरिएको सामाजिक विकास मन्त्रालयले जनाएको छ ।