रोटरीले वितरण गर्यो जेष्ठ नागरिकलाई खाजा - News Birat

रोटरीले वितरण गर्यो जेष्ठ नागरिकलाई खाजा

न्यूज विराट

विराटनगर, १४ असोज–सामाजिक क्षेत्रमा अग्रसर रहेको रोटरी क्लब अफ विराटनगर डाउन टाउनले जेष्ठ नागरिकहरुका लागि खाजा वितरण गरेको छ । विराटनगर आशोक चोक स्थित विराटेश्वर बृद्धाश्रममा आश्रित ६० जना जेष्ठ नागरिकहरुका लागि बुधबार खाजा वितरण गरेको हो ।

कोरोना भाइरस संक्रमण रोकथाम तथा नियन्त्रणका लागि विभिन्न निकायसँगको सहकार्यका काम गर्दै आएको र शिक्षा, स्वास्थ्य तथा वातावरणका क्षेत्रमासमेत योगदान पुर्याउँदै आएको सो क्लबले एक कार्यक्रमकाबीच बुधबार क्लबका अध्यक्ष दिप्ती अग्रवाल र सचिव गिरिजा सारडाले खाजा वितरण गरे । यस अघि पनि सो क्लबले आश्रमका जेष्ठ नागरिकहरुका लागि खाद्यान्न र लत्ता कपडा वितरण गरेको थियो ।

 

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles