कोरोना संक्रमणबाट काठमाडौं उपत्यकामा चार पुरुष संक्रमितको निधन भएको छ । काठमाडौंका २० र ७४, भक्तपुरका ८८ र ललितपुरका ६६ वर्षीय पुरुषको कोरोना संक्रमणबाट निधन भएको मन्त्रालयले पुष्टि गरेको छ । त्यस्तै, सप्तरीका ६३, मकवानपुरका ७४, रूपन्देहीका ७२ र कैलालीका ३० वर्षीय पुरुष संक्रमितको निधन भएको छ ।

योसँगै कोरोना संक्रमणबाट मृत्यु हुनेको संख्या ४ सय ४६७ पुगेको मन्त्रालयले जनाएको छ । नेपालमा कोरोना संक्रमणबाट मृत्यु हुने दर ०.६५ प्रतिशत रहेको छ ।

आज देशभर २५१ जना भे‍न्टिलेटर र आईसीयूमा उपचाररत छन् । २२४ जना आईसीयूमा र २७ जना संक्रमितको भेन्टिलेटरमा उपचार भइरहेको मन्त्रालयको तथ्यांक छ । मोरङ, सिराहा, काठमाडौं, भक्तपुर, ललितपुर, चितवन र रूपन्देही जिल्लामा पाँच सयभन्दा बढी संक्रमित रहेका छन् भने रसुवा, मनाङ, मुस्ताङ, डोल्पा, मुगु र हुम्ला भने संक्रमण शून्यमा झरेको छ ।

आज देशभर १० हजार १९ जनाको परीक्षण गर्दा १ हजार २ सय ७ जनामा कोरोना संक्रमण पुष्टि भएको छ । त्यस्तै, आज देशभरबाट १ हजार १ सय ४७ जना डिस्चार्ज भएका छन् ।

आजसम्म ९ लाख ७८ हजार २ सय ४ जनाको पीसीआर विधिबाट परीक्षण गर्दा ७१ हजार ८ सय २१ जनामा कोरोना पुष्टि भएको छ । संक्रमण पुष्टि भएका मध्ये ५३ हजार १३ संक्रमित निको भएका छन् भने १८ हजार ३ सय ४१ जना सक्रिय संक्रमित रहेको मन्त्रालयले जनाएको छ ।