जनताको सेवामा ध्यान दिन मन्त्री घिमिरेको आग्रह - News Birat

जनताको सेवामा ध्यान दिन मन्त्री घिमिरेको आग्रह

न्यूज विराट

विराटनगर, ७ असोज-। प्रदेश १ का सामाजिक विकास मन्त्री जीवन घिमिरेले स्वास्थ्यकर्मीलाई व्यक्तिगत चाहनालाई थाति राखेर जनताको सेवा गर्न आग्रह गरेका छन् । उनले अहिलेको परिस्थितिमा व्यक्तिगत इच्छा, चाहना भन्दा पनि जनताको सेवामा ध्यान दिन आग्रह गरे ।

झापाको अर्जुनधारा नगरपालिकामा शनिश्चरे अस्पतालको उद्घाटन गर्दै मन्त्री घिमिरेले सो आग्रह गरेका हुन् । स्वास्थ्यकर्मीका समस्या सरकारले संवोधन गर्ने उनले बताए । उनले भने,‘स्वास्थ्यकर्मीका समस्या समाधानका लागि सरकार तयार छ ।’ मन्त्रि घिमिरेले सरकारको निर्देशन अनुसार काम गर्न उनले स्वास्थ्यर्मीलाई आग्रह गरे ।

बुधबारदेखि सञ्चालनमा आएको १५ वेडको शनिश्चरे अस्पतालका लागि मानव संसाधन, भौतिक व्यवस्था, उपकरणको लागि प्रदेश सरकारले आवस्यक सहायता गर्ने मन्त्री घिमिरेले बताए । अस्पताल उद्घाटन कार्यक्रममा सामाजिक राज्यमन्त्री जसमाया गजमेर, अर्जुनधारा नगरपालिकाका प्रमुख हरिकुमार रानामगर लगायतले बोलेका थिए ।

यसैवीच अर्जुनधारामा सामाजिक विकास मन्त्री घिमिरे र स्वास्थ्यकर्मीवीच अन्र्तक्रिया पनि गरिएको छ । मन्त्री घिमिरेले स्वास्थ्यकर्मीका समस्याबारे जानकारी लिनुका साथै उनीहरुलाई आवस्यक निर्देशन पनि दिएका थिए ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles