रोटरीले वितरण गर्यो स्वास्थ्य सामाग्री र खाद्यान्न - News Birat

रोटरीले वितरण गर्यो स्वास्थ्य सामाग्री र खाद्यान्न

न्यूज विराट

विराटनगर, २५भदौ–सामाजिक क्षेत्रमा अग्रसर रहेको रोटरी क्लब अफ विराटनगर डाउन टाउनले स्वास्थ्य सामाग्री र राहतवितरण गरेको छ । सुनसरीको बर्जु गाउँपालिकामा मास्क, रोग प्रतिरोधात्कम क्षमता बृद्धि गर्ने होमियो प्याथिक औषधी र विपन्न परिवारलाई खाद्यान्न वितरण गरेको हो ।

कोरोना भाइरस संक्रमण रोकथाम तथा नियन्त्रणका लागि विभिन्न निकायसँगको सहकार्यका काम गर्दै आएको र शिक्षा, स्वास्थ्य तथा वातावरणका क्षेत्रमासमेत योगदान पुर्याउँदै आएको सो क्लबले एक कार्यक्रमकाबीच स्थानिय रोटरी कम्युनिटी कप्सका संयोजक पुष्पराज चौधरीलाई स्थानीयवासीलाई वितरण गर्न स्वास्थ्य सामाग्री हस्तान्तरण गरेको हो ।

स्थानीयलाई वितरण गर्न क्लबकी अध्यक्ष दिप्ती अग्रवाल, सचिव गिरिजा सारडालगायतले संयोजक चौधरीलाई ५ सय थान मास्क, होमियोप्याथिक औषधी हस्तान्तरण गरेका थिए । त्यसैगरी क्लबले निषेधज्ञाका कारण काम गर्न नपाएर हातमुख जोर्न समेत समस्यामा परेका ५० परिवारलाई खाद्यान्न समेत वितरण गरेको छ ।

क्लबकी सचिव गिरिजा सारडाले दैनिक ज्यालादारी काम गर्दै आएका परिवारमा ५ जना भएका ५० परिवार(२५० जना) लाई खाद्यान्न वितरण गरिएको जानकारी दिइन् । सो परिमाणको खाद्यान्न प्रत्येक महिना फरक–फरक ठाउँमा वितरण गर्दै आएको सारडाले बताइन् ।

यस अघि केही दिन अघि मात्र क्लबले विभिन्न निकायलाई १० हजार थान मास्क, बखरी प्रहरी चौकमीमा कार्यरत प्रहरीका लागि १५ सेट मास्क, स्यानिटाइजर, फेस शिल्ड र बखरीका स्थानीयलाई ५ सय थान मास्क र स्यानिटाइजर वितरण गरेको थियो । त्यसैगरी विराटनगरस्थित विराटेश्वर वृद्धाश्रमका आश्रित जेष्ठ नागरिकहरुका लागि खाद्यान्न र लत्ताकपडासमेत वितरण गरेको थियो ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles