एजेन्सी, १९ भदौ=भारतमा लगातार दोस्रो दिन ८३ हजारभन्दा बढी कोरोना संक्रमित थपिएका छन् । भारत सरकारको स्वास्थ्य तथा परिवार कल्याण मन्त्रालयका अनुसार पछिल्लो २४ घन्टामा ८३ हजार ३४१ जनामा कोरोना भाइरस संक्रमित थपिएका छन् ।

यसैगरी सोही समयमा १ हजार ९६ जना कोरोना संक्रमित बिरामीको मृत्यु भएको छ । योसँगै भारतमा कोरोना भाइरस संक्रमितको संख्या ३९ लाख ३६ हजारभन्दा बढी भइसकेको छ भने ६८ हजार ४७२ जनाको मृत्यु भएको छ ।

 भारतको स्वास्थ्य मन्त्रालयका अनुसार देशभर सक्रिय संक्रमितको संख्या ८ लाख ३१ हजारभन्दा बडी छ भने ३० लाख ३७ हजार कोरोना संक्रमित निको भएका छन् ।

कोरोना भाइरसका कारण अत्यधिक नागरिकको मृत्यु हुने देशको सूचीमा भारत तेस्रो स्थानमा रहेको छ । अमेरिकामा ६१ लाख ५० हजार भन्दा बढी संक्रमित रहेका छ भने १ लाख ८६ हजारभन्दा बढीको मृत्यु भएको छ ।

दोस्रो स्थानमा ब्राजील रहेको छ । ब्राजीलमा ४० लाखभन्दा बढी कोरोना संक्रमित भइरहेका छन् भने १ लाख २५ हजारभन्दा बढीको मृत्यु भएको छ ।