काेराेनाका कारण भारतका पूर्वराष्ट्रपति प्रणव मुखर्जीको निधन - News Birat

काेराेनाका कारण भारतका पूर्वराष्ट्रपति प्रणव मुखर्जीको निधन

न्यूज विराट

एजेन्सी, १५ भदौ-कोरोनाबाट संक्रमित भारतका पूर्वराष्ट्रपति प्रणव मुखर्जीको निधन भएको छ । दिल्लीस्थित सेनाको अस्पतालमा सोमबार उनको निधन भएकाे उनका छोरा अभिजित मुखर्जीले केही बेरअघि ट्विट गर्दै जानकारी दिएका हुन् ।

ट्विटमा अभिजितले लेखेका छन्, ‘गह्रुँगो मुटुका साथ यहाँहरूलाई जानकारी गराउनुपरेको छ कि हामी र आरआर हस्पिटलका डाक्टरहरूको सारा प्रयास र भारतभरका जनताको आशीर्वाद र प्रार्थनाका बाबजुद मेरा पिता श्री प्रणव मुखर्जीको भर्खरै निधन भएको छ। यहाँहरू सबैलाई धन्यवाद ।’

८४ वर्षीय पूर्वराष्ट्रपति मुखर्जी कोरोना संक्रमण पुष्टि भएपछि केही दिनदेखि अस्पतालको कोमामा थिए ।  मस्तिष्क सर्जरीका लागि उनलाई सैनिक अस्पताल भर्ना गरिएको थियो । सर्जरीअघि गरिएको परीक्षणमा उनलाई कोरोना पुष्टि भएको थियो ।

उनले अगस्ट १० मा ट्वीट गर्दै आफूलाई कोरोना भएको सार्वजनिक गरेका थिए । मुखर्जी सन् २०१२ देखि सन् २०१७ सम्म भारतको राष्ट्रपति थिए । उनलाई सन् २०१९ सालमा भारत रत्नले सम्मानित गरिएको थियो ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles