न्युरो अस्पतालले सञ्चालनमा ल्यायो भेन्टिलेटर सहितको कोभिड अस्पताल - News Birat

न्युरो अस्पतालले सञ्चालनमा ल्यायो भेन्टिलेटर सहितको कोभिड अस्पताल

न्यूज विराट

विराटनगर, १४ भदौ–प्रदेश १ मा पहिलो पटक, निजी क्षेत्रबाट भेन्टिलेटर सहितको कोभिड अस्पताल सञ्चालनमा आएको छ । झण्डै दुई दशक देखि संचालनमा रहेको न्यूरो कार्डियो एण्ड मल्टिस्पेसियालिटि हस्पिटल को विस्तारित शाखा मदर एण्ड चाइल्ड अस्पताललाई कोभिड अस्पतालमा रुपान्तरण गरी संचालनमा ल्याइएको हो ।

एक कार्यक्रमका बिच कोभिड अस्पतालको प्रदेश नं १ सरकारका सामाजिक बिकास मन्त्री माननिय श्री जीवन घिमिरेको बिषेश उपस्थिितिमा ,उद्योग संगठन मोरङका अध्यक्ष भीम घिमिरे तथा ब्यापार संघका अध्यक्ष प्रकाश मुण्दडाले संयूक्त रूपमा कोभिड अस्पतालको शुभारम्भ गरे।

विश्व नै आक्रान्त बनाएको कोरोना भाइरसबाट संक्रमित बिरामीहरुले अस्पतालको शैया नपाएर घरमै बस्न बाध्य भएको बेला न्यूरोले कोभिड अस्पताल संचालनमा ल्याएको हो । ४२ शैयाको जनरल वार्ड, ७ शैयाको आइसियु र २ भेन्टिलेटरसहितको कोभिड अस्पताल संचालनमा ल्याइएको र केही दिन भित्र पीसीआर परीक्षण प्रयोगशाला समेत स्थापना गरिने अस्पतालका अपरेसनल डाइरेक्टर राजेश भट्टराईले बताए ।

अस्पतालले कोभिडको संभावित विरामीहरुको लागि बिभिन्न प्याकेजहरु समेत ल्याएको छ । कोभिड अस्पतालको सन्चालन साथै अस्पतालले कोभिड सम्बन्धी अन्यहरु सेवाहरु RT PCR TEST LAB , कोभिड हेल्थ चेकअप प्याकेज, Basic Housepital Package , Premium Housepital package पनि सन्चालनमा ल्याएको डाइरेक्टर भट्टराईले बताए ।

यता , उद्योग संगठन मोरङका अध्यक्ष भीम घिमिरेले अस्पतालले भेन्टिलेटर सहितको आईसियु बेड संचालनमा आए पछि जनताहरु अकालमै ज्यान गुमाउनु नपर्ने बताए । यस्तै मोरङ व्यापार संघका अध्यक्ष प्रकाश मुन्द्राले प्रदेश १ मै प्रतिष्ठित अस्पतालको रुपमा चिनिएको न्यूरोले सेवाग्राहीको चापलाई मध्यनजर गरि निजि स्तरमा खोलिएको कोभिड अस्पतालले कोरोनाको महामारीलाई केहि हद सम्म भए पनि रोक्न सहयोग गर्ने बताए ।

संक्रमितले घरमै बस्नु पर्ने बाध्यताको केहि हदसम्म कमी गर्ने तथा समुदायमा संक्रमण थप फैलिन नदिन मद्दत गर्ने तथा संक्रमितको उपचारमा संलग्न अन्य अस्पतालमा हुने बिरामीको चापलाई कम गर्दे विरामीले पाउने उपचार तथा हेरचाहको गुणस्तरमा पनि वृद्धि हुने अस्पतालको बिश्वास रहेको अस्पतालका अपरेशनल डाइरेक्टर राजेश भट्टराइले बताए । उनले सेवाग्राहीको माग अनुसार नै अस्पताल निर्माण गरिएको बताए ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles