रोटरीले हस्तान्तरण गर्यो १० हजार थान मास्क - News Birat

रोटरीले हस्तान्तरण गर्यो १० हजार थान मास्क

न्यूज विराट

विराटनगर, ११ भदौ–सामाजिक क्षेत्रमा अग्रसर रहेको रोटरी क्लब अफ विराटनगर डाउन टाउनले विराटनगरका विभिन्न संस्थालाई स्वास्थ्य सुरक्षाका लागि लगाइने मास्क हस्तान्तरण गरेको छ ।

कोरोना भाइरस संक्रमण रोकथाम तथा नियन्त्रणका लागि विभिन्न निकायसँगको सहकार्यका काम गर्दै आएको र शिक्षा, स्वास्थ्य तथा वातावरणका क्षेत्रमासमेत योगदान पुर्याउँदै आएको सो क्लबले १० हजार थान बढी हस्तान्तरण गर्ने योजना अनुरुप मास्क हस्तान्तरण गरेको हो ।

क्लबले विराटनगर महानगरपालिकालाई २ हजार, जिल्ला प्रशासन कार्यालय मोरङलाई १ हजार ५ सय, कोशी अस्पताललाई १ हजार ५ सय, रामलाल गोल्छा आँखा अस्पताललाई १ हजार थान मास्क हस्तान्तरण गरेको हो ।

क्लबले मोरङका प्रमुख जिल्ला अधिकारी कोषहरि निरौला, विराटनगर महानगरका मेयर भीम पराजुली, कोशी अस्पतालका मेडिकल सुपरिटेण्डेन्ट डा. चुमनलाल दासलगायत अन्य संस्थालाई मास्क हस्तान्तरण गरेको क्लबका सचिव गिरिजा सारडाले जानकारी दिइन् ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles