जनता क्याम्पसको आइसोलेसनबाट ३७ जना डिस्चार्ज - News Birat

जनता क्याम्पसको आइसोलेसनबाट ३७ जना डिस्चार्ज

न्यूज विराट

विराटनगर, ९ भदौ-मोरङको रंगेली नगरपालिकास्थित जनता क्याम्पसको आइसोलेसन केन्द्रबाट मंगलबार ६ महिने शिशु र एक गर्भवती महिलासहित एकैदिन ३७ जना कोरोना संक्रमण मुक्त भएका छन् । सो आइसोलेसन केन्द्रमा उपचारपछी मंगलबार एकै दिन रंगेली नगरपालिकाका २७ पुरुष र १० जना महिला डिस्चार्ज भएका हुन् ।

रंगेली नगरपालिका–२ का एक पुरुष, वडा नं. ३ का एक पुरुष, वडा नं. ४ का दुई पुरुष एक महिला, ६ नं. वडाका तीन पुरुष दुई महिला, ७ नं. वडाका १५ पुरुष, ६ महिनाकी एक शिशु, एक गर्भवती महिलासहित अन्य ५ जना महिला र वडा नं. ८ की एक महिला, रंगेलीमा कार्यरत शसस्त्र प्रहरीका तीन पुरुष, नेपाल विद्युत प्राधिकरण रंगेली वितरण केन्द्रमा कार्यरत एक पुरुष कर्मचारी डिस्चार्ज भएका हुन् । सो आइसोलेसनमा कार्यरत एक जना स्वाथ्यकर्मीको भने शंका लागेर परिक्षण गर्दा रिपोर्ट नेगेटिभ आएको हो ।

कोरोना मुक्त भएका उनीहरुलाई रंगेलीका नगरप्रमुख दिलिप बगडिया, स्वास्थ्य शाखा प्रमुख भुपेन्द्र मण्डल, रंगेली अस्पतालका मेडिकल सुपरिटेण्डेन्ट डा. रोहिन्द्र पाण्डे, इलाका प्रहरी कार्यालय रंगेलीका प्रहरी निरिक्षक लेखनाथ दाहाललगायतले विदाई गरे ।

संक्रमण पुष्टि भएको १४ दिनपछि स्वाव संकलन गरेर परिक्षण गरिएकोमा मंगलबार रिपोर्ट नेगेटिभ आएपछि उनीहरुलाई डिस्चार्ज गरिएको रंगेली नगरपालिकाका स्वास्थ्य शाखा प्रमुख भुपेन्द्र मण्डलले जानकारी दिए ।

उनका अनुसार कोरोना संक्रमण मुक्त भएर डिस्चार्ज गरिएका सवैलाई घरमा सुरक्षित र उच्च सतर्कता अपनाएर बस्न आग्रह गरिएको छ । स्वास्थ्य शाखा प्रमुख मण्डलले अब सो उपचार केन्द्रमा ११ जनाले स्वास्थ्य लाभ गरिरहेको बताए ।

उनले सोमबार सो आइलेसन केन्द्रमा कार्यरत एक स्वास्थ्यकर्मी र उपचाररत ३७ जनाको स्वाब संकलन गरिएकोमा मंगलबार सवैको रिपोर्ट नेगेटिभ आएको जानकारी दिए ।

स्वास्थ्य शाखा प्रमुख मण्डलका अनुसार रंगेली नगरपालिकामा गत साउन १५ गते एकै पटक २२ जनामा समुदायस्तरमै कोरोना संक्रमण पुष्टि भएको थियो । रंगेली नगरपालिकामा हालसम्म एक सय १९ जनामा कोरोना संक्रमण पुुष्टि भएकोमा एक सय चार जना उपचार पछि कोरोना मुक्त भएर घर फर्किएका छन् ।

अन्य जनता क्याम्पस रंगेलीको आइसोलेसनमा ११, वीपी कोइराला स्वास्थ्य विज्ञान प्रतिष्ठान धरान र पूर्वाञ्चल विश्वविद्यलय गोठगाउँको आइसोलेसनमा दुई÷दुई जना उपचाररत रहेका छन् ।

गत साउन २३ गतेदेखि रंगेली नगरपालिकाले सञ्चालनमा ल्याएको जनता क्याम्पसको आइसोलेसनमा मात्र ८७ जनाले उपचार गराएकोमा हालसम्म ७६ जना कोरोना मुक्त भएर डिस्चार्ज भएको स्वास्थ्य शाखा प्रमुख मण्डलले बताए ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles