सीपीएल : सन्दीपले २ विकेट लिएको खेलमा जमैका पराजित - News Birat

सीपीएल : सन्दीपले २ विकेट लिएको खेलमा जमैका पराजित

न्यूज विराट
काठमाडौं, ७ भदौ-वेष्ट इण्डिजमा जारी क्यारेबियन प्रिमियर लिग (सीपीएल)मा अन्तगर्त गयना अमेजन वारियर्सविरुद्ध नेपाली क्रिकेटर सन्दीप लामिछाने सम्मिलित जमैका तल्लावाज १४ रनले पराजित भएको छ ।

गएराति भएको खेलमा वारियर्सले दिएको १ सय १९ रनको लक्ष्य पछ्याएको जमैकाले निर्धारित २० ओभरमा ७ विकेट गुमाएर १ सय ४ रन मात्र जोड्न सक्यो ।

उसका लागि विस्फोटक ब्याट्सम्यान आन्द्रे रसेलले ५ छक्का र ४ चौकासहित ३७ बलमा अविजित ५२ रन बनाए पनि टिमलाई जित दिलाउन सकेनन् । बलिङमा वारियर्स टिमका कप्तान क्रिस ग्रीनले सबैभन्दा बढी २ विकेट लिए ।

यसअघि टस हारेर ब्याटिङको मौका पाएको वारियर्सले १९.१ ओभरमा सबै विकेट गुमाउँदै १ सय १८ रन बनायो ।  उसका लागि ब्रेण्डन किंग्सले सर्बाधिक २९ रन बनाए । बलिङमा जमैका तल्लावाजका मुजीउर रहमान, कार्लोस ब्रार्थवेटले ३र३, आन्द्रे रसेलले १ र सन्दीप लामिछानेले ४ ओभरमा ८ रन दिएर २ विकेट लिए । जमैकाको यो लगातार तेस्रो हार हो । वारियर्सले भने ३ म्याच खेल्दा २ मा जित र १ खेल मात्र हार ब्यहोरेको छ ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles