कोरोना संक्रमण बढ्दै गएपछि दमकमा १३ भदौ सम्म लम्बियो लकडाउन - News Birat

कोरोना संक्रमण बढ्दै गएपछि दमकमा १३ भदौ सम्म लम्बियो लकडाउन

न्यूज विराट

विराटनगर, ६ भदौ-दिन प्रतिदिन कोरोना संक्रमण बढ्दै गएपछि झापाको दमक नगरपालिकाले आगामी १३ गते भदौसम्म लकडाउन लम्ब्याएको छ । शनिबार दमक नगरपालिकाका मेयर रोमनाथ ओलीको अध्यक्षतामा बसेको कोरोना रोकथाम तथा नियन्त्रण समितीको बैठकले कोरोना संक्रमित बढेको भन्दै लकडाउन भदौ १३ गते राति १२ बजेसम्मका लागि थप गर्ने निर्णय गरेको हो ।

यसअघि दमकमा कोरोनाको जोखिम बढेको भन्दै एक सातासम्म लकडाउन गर्ने निर्णय गरेको थियो । त्यो अवधि आजै राती सकिने भएकाले आज नै थप १६ जनामा कोरोना पुष्टि भएपछि नगरपालिका लकडाउन थप गर्ने निष्कर्षमा पुगेको मेयर ओलीले बताए ।

आज आएको रिर्पोट अनुसार दमकस्थित नेपाल बिधुत प्राधिकरणका ७ कर्मचारी, ८ जना प्रहरी र दमक फार्मेसीका १ गरी थप १६ जनामा कोरोना पुष्टि भएको छ । दमक फार्मेसीका एक पुरुषमा कोरोना देखिएसँगै फार्मेसी सिल गरएको छ । दमकमा मात्र कोरोना संक्रमितको संख्या ६६ पुगेको छ । दमकमा नगरपालिकामाम समुदायस्तरमै संक्रमण देखिन थालेको छ । मेयर ओलीले लक डाउन अवधिभर अत्यावस्यक बाहेक बजार, पशल, सवारी अवागमन ठप्प रहने जानकारी दिए ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles