कोशी अस्पतालको आइसोलेसनमा एक जनाको मृत्यु - News Birat

कोशी अस्पतालको आइसोलेसनमा एक जनाको मृत्यु

न्यूज विराट

विराटनगर, ५ भदौ–विराटनगरस्थित कोशी अस्पतालका आइसोलेसनमा एक पुरुषको मृत्यु भएको छ । कारोनासँग मिल्दो लक्षण भएका एक जना बेवारिसे पुरूषका मृत्यु भएको छ । धनकुटाको भेरी गाउँपालिका–३ घर बताउने ५० वर्षीय पुरूषको शुक्रबार अस्पतालको आइसोलेसनमा मृत्यु भएको हो ।

खोकी, ज्वरो र छाती दुखेपछि मोरङको पथरी बजारबाट स्थानीय र प्रहरीले एम्बुलेन्समा राखेर शुक्रबार राति उनलाई कोशी अस्पतालमा ल्याएका थिए । अस्पतालको आइसोलेसनमा राखेर उपचारको क्रममा उनको मृत्यु भएको कोसी अस्पतालका मेडिकल सुपरिटेन्डेन्ट डा. चुमनलाल दासले जानकारी दिए ।

मृतक पथरी बजारमा लामो समयदेखि रहँदै आएका थिए । विरामी भएपछि स्थानीय प्रहरीले उद्धार गरि उनलाई अस्पताल पठाएको थियो । एम्बुलेन्सले अस्पतालको गेटमा छोडेर हिडेपछि विरामीलाई आइसोलेसनमा राखेर उपचार गरिएको मेसु दासले बताए । कोरोनासँग मिल्दोजुल्दो लक्षण देखिएकोले स्वाब संकलन गरेर प्रयोगशाला पठाएको अस्पतालले जनाएको छ । मृतकको रिपोट आउन बाँकी रहेको अस्पतालले जनाएको छ ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles