स्वास्थ्य तथा जनसंख्या मन्त्रालयका प्रवक्ता डाजागेश्वर गौतमले आज बसेको इन्सिडेन्ट कमाण्ड सिस्टमले यस्तो निर्णय भएको बताए । केही दिनअघि सरकारले कोरोनाका बिरामीका लागि निजी स्वास्थ्य संस्थालाई २० प्रतिशत बेड र मेडिकल कलेज तथा स्वास्थ्य प्रतिष्ठानलाई एक तिहाइ बेड छुट्याउनका लागि निर्देशन दिएको थियो ।

उनले आज थप स्पष्ट पार्दै अझै १/२ वर्ष कुनै अस्पतालले कोरोनाबाहेकका बिरामी उपचार गर्न सम्भव नहुने भएकाले अहिल्यैदेखि त्यसको तयारी गर्नका लागि सरकारले निर्देशन दिउको बताए । उनले समाजमा तीव्ररूपमा कोरोना फैलिँदै गएपछि सरकारी अस्पतालले मात्रै उपचार गर्न सम्भव नहुने भन्दै त्यसका लागि निजी स्वास्थ्य संस्थाले अहिल्यैदेखि नै स्वास्थ्यकर्मीलाई तयारी पारेर राख्नसमेत आग्रह गरे ।