आज थपिएका संक्रमितसँगै देशभर कुल संक्रमितको संख्या २८ हजार २ सय ५७ पुगेको छ । यीमध्ये १० हजार ५ सय ६३ सक्रिय संक्रमित छन् । सक्रिय संक्रमितमध्ये २ हजार ८८७ जना होम आइसोलेसनमा छन् भने अन्यको देशभरका विभिन्न अस्पताल र आइसोलेसनमा उपचार भइरहेको छ ।

पछिल्लो २४ घण्टाको अवधिमा थप ८५ जना कोरोना संक्रमणमुक्त भएर डिस्चार्ज भएका छन् । हालसम्म संक्रमणमुक्त हुनेको संख्या १७ हजार ५८० पुगेको मन्त्रालयले जनाएको छ ।