सुनसरीमा भदौ ७ गतेसम्म लक डाउन - News Birat

सुनसरीमा भदौ ७ गतेसम्म लक डाउन

न्यूज विराट

विराटनगर, ३२ साउन-जिल्ला प्रशासन कार्यालय सुनसरीले जिल्ला भित्र थप ७ दिन मानिसको आवागमन नियन्त्रण गर्न निषेधित क्षेत्र घोषणा गरेको छ ।

प्रशासनले यस अघि पनि ५ दिन र ६ दिन गरी दुई पटक लकडाउन गरेको थियो । पछिल्लो पटक थपिएको समय सीमा आइतबार (आज) राती १२ बजे सकिँदैं छ । तर, प्रशासन कार्यालयको आज बसेको बैठकले थप ७ दिन लकडाउन थप्ने निर्णय गरेको हो ।

जिल्ला प्रशासन कार्यालय सुनसरीका अनुसार जिल्ला भित्रका दुहबी, इटहरी, इनरुवा, बराहक्षेत्र, धरान लगायत स्थानीय बजारमा समुदायस्तरमै कोरोनाको संक्रमण बढ्दै गएपछि भदौं ७ गते राती १२ बजे सम्मका लागि लकडाउन थपेको हो ।

सुनसरीका प्रमुख जिल्ला अधिकारी फणिन्द्र मणी पोखरेलले सुनसरीमा सो समय अवधिभर सरकारी तथा सार्वजनिक संस्थाका कर्मचारी तथा अत्याबश्यक सेवाका कर्मचारीले मात्र कार्यालयको काममा हिडडुल गर्न पाउने बताए ।

कर्मचारीले कार्यालयको काम गर्न पाउने भएपनि सेवाग्राही सगँ प्रत्यक्ष सरोकारको काम बन्द गर्ने समेत प्रजिअ पोखरेलले जानकारी दिए । यस्तै सरकारी नम्बर प्लेटका, अत्याबश्यक सेवाका सवार र ढुवानीका साधन बाहेक अन्य सबै सवारीसाधनहरुको आवागमन बन्द गरिएको जनाइएको छ ।

यस्तै ओद्योगिक क्षेत्रका उद्योग प्रष्तिठानहरुले स्वास्थ्य प्रोटोकल पालना गरी कच्चा पदार्थ आयात र उत्पादित बस्तु निर्यातका लागि संञ्चालन गर्न पाउने छन् ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles