विराटनगर, ३० साउन–प्रदेश १ को राजधानी विराटनगरमा शुक्रबार थप ३३ जनामा कोरोना भाइरसको संक्रमण पुष्टि भएको छ । थपिएका संक्रमितमध्ये २० पुरुष र १३ महिला रहेको सामाजिक विकास मन्त्रालयले जानकारी दिएको छ ।

शुक्रबार थपिएका संक्रमितमध्ये सबैभन्दा बढी विराटनगर ५ का रहेका छन् । विराटनगर ५ मा ३ पुरुष र २ महिला संक्रमित भेटिएका छन् । यस्तै ४ मा ३ जना, ६ मा ३ जना, ७ मा ४ जना, ८ मा ३ जना, ९ मा ३ जना, १५ मा २ जना, १६ मा ३ जना संक्रमित थपिएका रहेका छन् । १०, ११, १२, १, ३ र १७ मा १/१ जना संक्रमित थपिएका छन् । वडा नखुलेको १ जना रहेका छन् ।

योसँगै शुक्रबार दिउँसोसम्म विराटनगरमा कोरोना ४४७ पुगेको छ । महानगरमा कोरोनाबाट ६ जनाको मृत्यु भएको भने कोरोनामुक्त भई ६९ जना डिस्चार्ज भएका छन् ।

कोरोनाबाट विराटनगर–९ का २ जना, वडा नं. १०, ३, ५ र १५ नम्बर वडाका १÷१ जनाको मृत्यु भएको छ । कोरोनाको कारण विराटनगरमा मृत्यु हुने सबै पुरुष हुन् ।