विराटनगर, साउन २७-कोरोना संक्रमण देखिएपछि धरानस्थित बीपी कोइराला स्वास्थ्य विज्ञान प्रतिष्ठानमा कोरोना संक्रमण देखिएपछि ओपीडी सेवा अनिश्चितकालका लागि बन्द गरिएको छ ।

अस्पतालका सहायक निर्देशक डा. विकास साहले सूचना जारी गर्दै कोरोना फैलिइरहेकाले स्थानीय प्रशासनले समेत ७ दिन पूर्ण रूपमा बन्द गरेकाले अस्पतालको ओपीडी सेवासमेत बन्द गरिएको उल्लेख गरेका छन् ।

प्रतिष्ठानमा समेत कोरोना संक्रमण फैलिएकाले त्यसलाई रोक्न २८ साउनदेखि अर्को सूचना जारी नभएसम्मका लागि सेवा बन्द गरिएको सूचनामा उल्लेख छ । कोरोना अस्पतालसमेत रहेको प्रतिष्ठानमा कार्यरत २ जना चिकित्सकमा कोरोना संक्रमण देखिएको थियो ।