भारतका विदेशमन्त्री सुब्रमन्यम जयशंकरले बुद्धलाई ‘महान् भारतीय’ भएको बताएपछि परराष्ट्र मन्त्रालयले औपचारिक रूपमा नेपालको प्रतिक्रिया सार्वजनिक गरेको हो ।

परराष्ट्र मन्त्रालयका प्रवक्ता भरतराज पौडेलले भनेका छन्, ‘भगवान् गौतम बुद्धको जन्म नेपालको लुम्बिनी भएको कुरा ऐतिहासिक र पुरातात्त्विक प्रमाणहरूद्वारा पूर्ण रूपमा स्थापित र अकाट्य तथ्य हो । बुद्धको जन्मस्थल लुम्बिनी युनेस्कोको विश्व सम्पदास्थलमा समेत रहेकाे छ ।’

भारतका प्रधानमन्त्री नरेन्द्र मोदीले नेपाल भ्रमणका क्रममा नेपाललाई बुद्धको जन्मस्थलका रूपमा स्वीकारेको स्मरणसमेत गराएका छन् ।  सन् २०१४ मा नेपाल भ्रमणका क्रममा मोदीले संसदलाई सम्बोधन गर्दै मोदीले नेपालमा शान्तिदूत बुद्ध जन्मेको बताएको समेत पौडेलले स्मरण गरेका छन् ।