बालुवाटारमा प्रमुख प्रतिपक्षी दल नेपाली कांग्रेसका सभापति शेरबहादुर देउवा, जनता समाजवादी पार्टी नेपालका अध्यक्ष महन्थ ठाकुरसहित स्वास्थ्य क्षेत्रका विज्ञहरूको बैठकमा सो माग गैरजिम्मेवारी भएको बताएका हुन् ।

‘कोरोनाका यत्रो धेरै महामारी छ, मेरा पार्टीका साथीहरू नै गैरजिम्मेवारीपन प्रदर्शन गरिरहेका छन्,’ प्रधानमन्त्रीले बैठकमा भने, ‘२५ जना जम्मा हुन गाह्राे छ, यहाँ ४ सय ४५ को बैठक बोलाउनु पर्‍यो भनेर माग गर्छन् ।’

प्रधानमन्त्री ओलीले कोभिड–१९ को उपचार, रोकथाम र नियन्त्रणका लागि सरकार गम्भीर रूपमा लागेको समेत उल्लेख गर्दै तत्काल केन्द्रीय कमिटी बैठक बोलाउन उपयुक्त नदेखेको धारणा राखेका हुन् ।

कांग्रेस सभापति देउवाले मुलुकमा कोभिड–१९ को महामारी भयावह हुने भन्दै पुनः लकडाउन गर्नुपर्ने अवस्था आएको बताएका थिए । ‘कोरोनाका बिरामी बढेको बढ्यै छन, फेरि पनि लकडाउन लगाउनुपर्ने अवस्था देखियो,’ देउवाको सुझाव छ, ‘यसबारेमा सरकार गम्भीर बनोस्।’