अहिले देशभर सक्रिय संक्रमित ५ हजार २ सय २७ जना रहेको र उनीहरूको विभिन्न आइसोलेसनमा उपचार भइरहेको प्रवक्ता गाैतमले बताए । २४ घण्टाकाे अवधिमा काेराेना निकाे भएर घर फर्किनेकाे संख्या २ सय २७ छ । अहिलेसम्म १४ हजार २ सय ४८ जनाले कोरोनालाई जितेको छन् । कुल संक्रमितमध्ये अहिलेसम्म ७२.९५ प्रतिशत संक्रमणमुक्त भएको मन्त्रालयले जनाएको छ ।

आज ६ हजार ९ सय ६ जनाको पीसीआर परीक्षण भएको छ । अहिलेसम्म ३ लाख ६४ हजार ६ सय ४८ जनाको पीसीआर विधिबाट परीक्षण भएको मन्त्रालयले जनाएकाे छ । १३ हजार २ सय १ जना विभिन्न क्वारेन्टाइनमा छन् ।