पत्रमा गुन्जी, कालापानी, लिम्पियाधुरालाई भारतीय क्षेत्र भएको दाबी गरेको छ । पत्रमा भनिएको छ, ‘विभिन्न नेपाली गुट/समूह भारतीय क्षेत्र गुन्जी, कालापानी, लिम्पियाधुरामा अवैध रूपमा लुकीछिपी सीमा पार गरेर मिडियाको ध्यान आकृष्ट गर्न चाहन्छन्, जसबाट दुवै देशको प्रशासनलाई हैरान बनाउन सकियोस्,’ पत्रमा लेखिएको छ, ‘अतः यस प्रकारका कुनै सूचना तपाईंहरूलाई प्राप्त भयो भने त्यसको जानकारी तत्काल दिने कष्ट गरिदिनुहोला ।’

नेपालले आफ्नो भूमि लिम्पियाधुरा, कालापानी र लिपुलेकसहितको भूमि समेटेर नयाँ नक्सा जारी गरेपछि भारतले त्यसप्रति आपत्ति जनाउँदै आएको छ । भारतले लामो समयदेखि कब्जा गरेको यो क्षेत्रलाई आफ्नो दाबी गरिरहेको छ ।