विराटनगर, ३ साउन–आन्तरिक राजस्व कार्यालय विराटनगरले आर्थिक वर्ष २०७६/७७ मा कुल रु.छ अर्व ९५ करोड ७५ लाख ७२ हजार राजस्व सङ्कलन गरेको छ । सो अवधिमा रु.१० अर्व १२ करोड ५९ लाख दुई हजार राजस्व सङ्कलन गर्ने लक्ष्यमा रु.तीन अर्व १६ करोड ८३ लाख ३० हजार कम हो अघिल्लो वर्षको तुलनामा रु.१५ करोड ५४ लाख १६ हजार मात्र कम राजस्व सङ्कलन भएको कार्यालय प्रमुख विमल सापकोटाले जानकारी दिए ।

आर्थिक वर्ष २०७४÷७५ मा रु.पाँच अर्व २१ करोड ३३ लाख २२ हजार र आर्थिक वर्ष २०७५/७६ मा रु.सात अर्व १३ करोड ७८ लाख २४ हजार राजस्व सङ्कलन भएको थियो । तुलनात्मक रुपमा हेर्दा आर्थिक वर्ष २०७४÷७५ को भन्दा रु.एक अर्व ७४ करोड ४२ लाख ५० हजारले बढी राजस्व सङ्कलन भएको छ भने आर्थिक वर्ष २०७५÷७६ को हिसाबले हेर्दा रु.१५ करोड ५४ लाख १६ हजारले मात्र कमी राजस्व सङ्कलन भएको देखिएको छ ।

आर्थिक वर्ष २०७६/०७७ मा सङ्कलित राजस्वमा आयकर रु.दुई अर्व ६४ करोड ६४ लाख ५७ हजार, मूल्यअभिवृद्धि कर रु.एक अर्व ८५ लाख ७३ लाख २३ हजार, अन्तःशुल्क रु.दुई अर्व ४५ करोड २६ लाख ६२ हजार, स्वास्थ्य कर रु.६१ हजार, शिक्षा कर रु.१० लाख ६९ हजार छन् ।

आयकर मा गएको वर्षभन्दा १७ प्रतिशत, मूल्य अभिवृद्धि करमा ३५ प्रतिशत प्रगति गरेको छ भने अन्तःशुल्कमा २८ प्रतिशत नोक्सान भएपनि समग्रमा अघिल्लो आर्थिक वर्षको तुलनामा दुई प्रतिशत मात्र कमीले राजस्व सङ्कलन भएको कार्यालय प्रमुख सापकोटाले बताए ।

नेपाल सरकारले गएको चैत ११ गते बाट घोषणा गरेका बन्दाबन्दीको प्रभाव सबैभन्दा बढी अन्तःशुल्कमा परेको देखिएको छ भने जसले गर्दा लक्ष्य हासिल गर्न नसकेको हो । बन्दाबन्दीले आयात निर्यात ठप्प हुनु, उद्योग व्यापार बन्द हुनु र स्वदेशमा भएको उद्योग धन्दा नचल्नु, निर्माणका कामहरु रोकिनुले पनि राजस्वमा असर परेका तथापि कार्यालयले राजस्व सङ्कलनमा दिनरात खटेर, अनुगमन गरेर राजस्व सङ्कलनमा जोड दिएको प्रमुख सापकोटाको भनाई छ ।

अघिल्लो वर्षमा कार्यालय मातहतमा ९६ हजार ५०८ करदाता रहेकोमा भ्याट दर्ता सङ्ख्या सात हजार ५३४, आयकर दर्ता सङ्ख्या ४८ हजार १९२ र व्यक्तिगत स्थायी लेखा नम्वर लिएका सङ्ख्या ४८ हजार ३१६ रहेको थियो ।

अहिले यस कार्यालयले मोरङको विराट चोक र पथरीमा आफ्ना सेवा कार्यालय विस्तार गरी त्यस क्षेत्रका जनतालाई सेवा र सुविधामा पहुँच पु¥याउने काम गरेको छ भने यसबाट त्यस क्षेत्रका जनतालाई सदरमुकाम आउने झन्झटबाट मुक्त हुने विश्वास प्रमुख सापकोटाले व्यक्त गरे ।