चीनले नियन्त्रणमा लिएका १० भारतीय सैनिक रिहा - News Birat

चीनले नियन्त्रणमा लिएका १० भारतीय सैनिक रिहा

न्यूज विराट

एजेन्सी, असार ५-गत सोमबारराति गलवान घाँटीमा भएको झडपका क्रममा चिनियाँ सेनाले नियन्त्रणमा लिएका १० जना भारतीय सैनिकलाई रिहा गरिएको छ ।सो हिंसात्मक झडपपछि चीनले नियन्त्रणमा लिएका सेनालाई रिहा गरिदिएको हो । भारतको पत्रिका द हिन्दूले सैनिक स्रोतलाई उदृत गर्दै मेजर जनरल स्तरको वार्तापछि भारतीय सैनिक रिहा गरेको उल्लेख गरेको छ ।

रिहा हुनेमा एक लेफ्टिनेन्ट कर्णेल र तीन जना मेजर समेत थिए । भारतले बिहीबार जारी गरेको वक्तव्यमा भारतका कुनै सैनिक वेपत्ता नरहेको जनाएको थियो ।

द हिन्दूका अनुसार चीनले भारतीय सैनिकलाई बिहीबार साँझ पाँच बजे रिहा गरेको हो । १५–१६ जुनको राति भारत र चीनका सैनिकबीच भएको झडपमा २० भारतीय सैनिकको मृत्यु भएको थियो भने ७८ जना सैनिक घाइते भएका थिए । उनीहरुको अस्पतालमा उपचार भइरहेको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles