विराटनगर, असार ४–रिडेफ नेपालका अध्यक्ष उमेश विश्वकर्माका विषयमा एकपछी अर्को खुलासा हुँदै गएको छ । उक्त संस्थाका अध्यक्ष विश्वकर्माले बहुमत साधारण सदस्य, संस्थापक सदस्यहरुको उपस्थिती र सहभागिता बिनै फर्जि साधारणसभा गरेर आफु अध्यक्षमा टिकिरहने गरेको श्रोतले जनाएको छ । अध्यक्ष विश्वकर्माले मनोमानी ढंगले कार्य समितिका अन्य पदाधिकारी र सदस्यहरु राख्ने गरेको मात्र नभई विधान विपरितका गतिविधिनै गर्ने गरेको पाइएको हो ।

अध्यक्ष उमेश विश्वकर्मा औपचारिक रुपमा साधारणसभानै नगरि संस्था स्थापना भएदेखि हालसम्म आफै अध्यक्ष बनेको पाइएको छ । संस्थापक र साधारण सदस्यहरुको सहभागिता बिनै फर्जि साधारणसभा गरेर विश्वकर्मा आफै अध्यक्ष बन्ने गरेको श्रोतले जनायो ।

श्रोतका अनुसार उनले साधारणसदस्यहरुको हस्ताक्षरसमेत किर्ते गरेर फर्जि साधारणसभाबाट पदाधिकारीमा आफ्ना नजिकका आफन्त र आफु अनुकुलका व्यक्ति राखेर संस्था चलाउने गरेका छन् । संस्थाबाट व्यक्तिगत लाभ लिइरहन पल्किएका उमेश विश्वकर्माको गतिविधिको विरोध जनाउँदै आएका बहुमत संस्थापक र साधारण सदस्यहरु जसरी पनि साधारणसभा गरि विश्वकर्मालाई अध्यक्षबाट हटाउने पक्षमा रहँदै आएका छन् ।

तर, उनै विश्वकर्मा संस्थापक र बहुमत साधारण सदस्यको जानकारी बिनै र फर्जि साधारणसभा गरेर आफै अध्यक्षमा टिकि रहेको श्रोतले बतायो । विश्वकर्मा संस्था स्थापना भएदेखि हालसम्म ‘प्राइभेट कम्पनि’ जस्तो एकल अध्यक्ष बनेको पाइएको छ । ‘अध्यक्ष जहिल्यै समुदायका लागि भन्दा पनि व्यक्तिगत स्वार्थ र लाभमा मात्र लाग्नुभयो । हामीले समितिमा छँदा त्यस्ता कृयाकलापको विरोधनै गर्दै आएका हौँ । सामाजिक काम निश्वार्थ भावनाले हुनुपर्छ । सँधै व्यक्तिगत फाइदाकै कुरा आउँदा विरोध हुनु स्वभाविक हो ।’ एक साधारण सदस्यले भने,‘हामी संस्थाका लगभग अधिकांश संस्थापक र सदस्यले यत्रो वर्षसम्म साधारणसभाको सुचना र जानकारीनै पाएका छैनौँ । जानकारी लिन खोज्दा अनेक बाहानाबाजि गरिन्छ । बैधानिकरुपमा साधारणसभा भए हामीले अनिवार्यरुपमा जानकारी पाउनुपर्ने हो । तर, अहिलेसम्म हामीलाई यसबारे जानकारी छैन । अब कसरी समिति हेरफेर गरिरहनुभएको छ, त्यो उहाँहरुकै कुरा हो ।’

त्यसो त उमेश विश्वकर्माले विभिन्न अन्तराष्ट्रिय गैरसरकारी संस्था, स्थानीय तथा प्रदेश सरकारलाई प्रभावमा पार्न विधान विपरित कार्यसमितिको कार्यकाल उल्लेख गर्ने गरेको पाइएको छ ।

यहाँ हेर्नुहोस् :

उक्त संस्थाको विद्यानको धारा १३ को उपधारा ३ मा कार्यसमितिको पदावधि २ वर्ष उल्लेख छ । ‘कार्य समितिको पदावधि २ वर्षको हुनेछ । साधारणसभा हुन नसके ३ महिनासम्म सोही समिति कायम हुनेछ ।’ विधानमा भनिएको छ ।

तर, अध्यक्ष उमेश विश्वकर्माले विधान विपरित समितिको कार्यकाल ३ वर्षको उल्लेख गर्ने गरेका छन् । रिडेफको कार्यालयमा राखिएको कार्यसमिति विवरणमा पनि तीन वर्षे कार्यकाल उल्लेख गरिएको छ । संस्थाकै एक सदस्यका अनुसार विश्वकर्मा आफैले त्यसो गरेका हुन् । त्यति मात्र नभई अध्यक्ष विश्वकर्माले विभिन्न कार्यालयमासमेत झुटो विवरण बुझाउने गरेको श्रोतको दावी छ ।

यो पनि

• रिडेफ नेपालको दलित अभियान ‘देखाउने दाँत’ संस्था उमेश विश्वकर्माको ‘कमाईखाने भाँडो’

• रिडेफ नेपालमा अध्यक्ष उमेश विश्वकर्माको ‘मनोमानी’, साधारणसभाबिनै पद हेरफेर