मृतकको संख्या २० पुग्यो - News Birat

मृतकको संख्या २० पुग्यो

न्यूज विराट

काठमाडौं, ३ असार-बाँके बैजनाथ गाउँपालिका-६ की ४६ वर्षीया महिलाको कोरोना भाइरस संक्रमणका कारण मृत्यु भएको स्वास्थ्य मन्त्रालयले पुष्टि गरेको छ ।स्वास्थ्य मन्त्रालयको नियमित पत्रकार सम्मलेनमा प्रवक्ता डा. जागेश्वर गौतमले नेपालगंज मेडिकल कलेज शिक्षण अस्पताल कोहलपुरमा उचपचारका क्रममा उनको मृत्यु भएको र पीसीआर परीक्षणका क्रममा उनमा कोरोना भाइरस संक्रमण पुष्टि भएको जानकारी दिए ।

उनलाई ३० जेठमा मिर्गौलासम्बन्धी समस्या कारणले अस्पताल भर्ना भएकी र १ असारमा कोरोना परीक्षणका लागि भेरी अस्पतालको प्रयोगशालमा नमुना पठाइएको थियो ।

रिपोर्ट नआउँदै १ असार साँझ ६ बजे उनको अस्पतालमा मृत्यु भएको थियो । हिजो आएको रिपोर्टमा उनमा कोरोना भाइरस संक्रमण पुष्टि भएको प्रवक्ता डा. गौतमले बताए । योसँगै मृत्यु हुनेको संख्या २० पुगेको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles