मोरङको रतुवामाईमा थप २५ जनामा कोरोना पुष्टि  - News Birat

मोरङको रतुवामाईमा थप २५ जनामा कोरोना पुष्टि 

न्यूज विराट

विराटनगर, ३२ जेठ-मोरङको रतुवामाई नगरपालिकामा थप २५ जनामा कोरोना संक्रमण पुष्टि भएको हो । आइतबार विराटनगरस्थित प्रादेशिक प्रयोगशालामा गरिएको परीक्षणमा भारतबाट आएर रतुवामाईस्थित क्वारेन्टाइनमा बसेका २५ जनामा कोरोना संक्रमण पुष्टि भएको हो ।

संक्रमितहरू रतुवामाई नगरपालिका–८ स्थित सरस्वती माविको क्वारेन्टाइनमा रहेका व्यक्तिहरू भएको नगरपालिकाका स्वास्थ्य संयोजक मनोजकुमार साहले जानकारी दिए ।

उनीहरू सबै भारतबाट आएकाे जनाइएको छ । संक्रमितहरूलाई धरानस्थित बीपी कोइराला स्वास्थ्य विज्ञान प्रतिष्ठान पठाउने तयारी भइरहेको संयोजक साहले बताए ।

आइतबार कोरोना पुष्टि भएकासँगै रतुवामाईमा मात्र कुल संक्रमितको संख्या ४७ पुगेको छ । जसमध्ये २ जना संक्रमित निको भएर घर फर्किएको नगरप्रमुख रबिन राईले जानकारी दिए । मोरङमा आइतबारसम्म ७१ जनामा कोरोना संक्रमण पुष्टि भएको जिल्ला स्वास्थ्य कार्यालय मोरङले जनाएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles