सुडान घोटालाका दोषी पूर्व आईजीपी ठकुरी आज जेल मुक्त हुँदै  - News Birat

सुडान घोटालाका दोषी पूर्व आईजीपी ठकुरी आज जेल मुक्त हुँदै 

न्यूज विराट

काठमाडौं, २९ जेठ-पूर्व प्रहरी प्रमुख प्रहरी महानिरीक्षक (आइजीपी) रमेशचन्द ठकुरी आज रिहा हुने भएका छन् । सुडान घोटाला प्रकरणमा दोषी ठहरपछि जेल सजाय भोगिरहेका ठकुरी एक वर्ष कैद सजाय भुक्तानी गरी डील्लीबजार कारागारबाट छुट्न लागेका हुन् ।

अदालतले एक वर्षको जेल सजाय तोकेको भएपनि कारागार प्रशासनले २० दिन छुट दिएपछि उनी आज छुट्न लागेको डील्लीबजार कारागारका सहायक जेलर सीता अधिकारीले जानकारी दिइन् ।

उनी १९ असोज २०७६ मा जेल चलान भएका थिए । ठकुरीसहित पूर्व प्रहरी प्रमुख ओमविक्रम राणा हेमबहादुर गुरुङ सहित आधा दर्जन प्रहरी अधिकारी सुडान घोटाला पक्ररणमा दोषी ठहर भएका थिए ।

ठकुरी बाहेक उनीहरुले  यस अघिनै कैद सजाय भुक्तान गरी सकेका छन । सुडानस्थित संयुक्त राष्ट्रसंघीय मिसनका लागि एपीसी खरिदमा पक्रकरणमा उनीहरुलाई विशेष अदालतले दोषी ठहर गरेको हो ।

विशेष अदालतको पूर्ण फैसलालाई आंशिक उल्ट्याउँदै १६ वैशाख २०७४ मा सर्वाेच्च अदालतले समेत सदर गरेपछि उनी जेल जना बाध्य भएका हुन् ।  ठकुरीलाई एक वर्ष जेल सजाय र ४० हजार रुपैयाँ जरिबाना हुने फैसला सुनाइएको थियो ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles