कालिकोट दुर्घटना : २२ जनाको सकुशल उद्धार, ६ जना अझै बेपत्ता - News Birat

कालिकोट दुर्घटना : २२ जनाको सकुशल उद्धार, ६ जना अझै बेपत्ता

न्यूज विराट

सुर्खेत, २८ जेठ-कालिकोटको लालीघाटमा भएको टिपर दुर्घटनामा २२ जनाको सकुशल उद्धार गरिएको छ । बुधबार बिहान ३९ जना सवार रहेको ना ८ ख ५१३३ को टिपर कर्णाली नदीमा खसेर दुर्घटना भएको हो ।

उक्त घटनामा २ जनाको मृत्यु भएको जिल्ला प्रहरी कार्यालय कालिकोटका प्रमुख डिएसपी श्यामबाबु वलियाले बताए । उनका अनुसार ९ जना घाइतेको उद्धार गरी उपचारका लागि जिल्ला अस्पताल कालिकोट पठाइएको छ भने ६ जना अझै बेपत्ता रहेका छन् । उनीहरूको खोजी कार्य जारी रहेको प्रहरीले जनाएको छ । टिपर चालक भने घटनालगत्तै फरार भएका छन् ।

कालिकोटको राजकोट नगरपालिकाको लालीघाट भन्ने ठाउँमा टिपर दुर्घटना भएको थियो । कर्णाली नदीमा बेपत्ता भएकाको नेपाल प्रहरी नेपाली सेनाको टोली र स्थानीयले खोजी कार्य गरिरहेको बताइएको छ ।

यसअघि ३ जनाको मृत्यु भएको चेम्बर अर्फ कमर्स कालिकोटका अध्यक्ष हस्तबहादुर बमले बताएको भए पनि प्रहरीले भने २ जनाको मृत्यु भएको पुष्टि गहेको हो । ४ जनाले भने टिपरबाट हाम फालेर ज्यान जोगाएका थिए ।

नेपाल भारत सीमा क्षेत्रबाट उद्धार गरिएका र रामछेप जिल्लाबाट उद्धार गरिका उनीहरूलाई क्वारेन्टाइनमा राख्न लैजाँदै गरेको अवस्थामा दुर्घटनामा परेको कमर्स कालिकोटका अध्यक्ष बमले बताए ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles