बेइजिङ र वुहान सहरबीच हवाई सेवा पुनः सुरु - News Birat

बेइजिङ र वुहान सहरबीच हवाई सेवा पुनः सुरु

न्यूज विराट

एजेन्सी, जेठ २८-चीनको राजधानी बेइजिङबीच हवाई सेवा पुनः सुचारु भएको छ । वुहान सहरमा नै गत डिसेम्बरमा पहिलो पटक कोरोना भाइरसको संक्रमण पत्ता लागेको थियो । त्यसपछि चीनले दुई सहरबीच हवाई सेवा बन्द गरेको थियो ।

चीनको आधिकारिक समाचारमा बेइजिङ र हुबेई प्रान्तको वुहान सहरबीच वाणिज्यिक उडान सुरु भएको जानकारी दिइएको छ । वुहान यातायात प्राधिकरणका अनुसार चाइना साउदर्न एयरलाइन्स दैनिक राउन्ड ट्रिपका रुपमा उडान भर्नेछ । यो विमान साँझ चार बजे बेइजिङ प्रस्थान गर्नेछ र ६ बजेर ५ मिनेटमा बेइजिङ उत्रिनेछ । करिब एकघन्टापछि सो विमान पुनः फर्किनेछ ।

यसरी यात्रा गर्ने यात्रुले १४ दिन क्वारेन्टाइनमा जानुपर्नेछैन । कोरोना महामारीभन्दा अघि वुहान अन्तर्राष्ट्रिय विमानस्थल सुदूर पूर्व र पश्चिमबाट चिनियाँ उडानलाई जोड्ने प्रमुख केन्द्र थियो ।

तर महामारीका क्रममा वुहानमा ७६ दिनसम्म कडा लकडाउन लागू गरिएको थियो । वुहान भित्र र बाहिर गर्नका लागि आपतकालीन अवस्थामामात्रै उडान गर्न सकिन्थ्यो ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles