नेपाललाई भारतकाे पीसीआर टेस्ट किट, ३० हजार व्यक्तिको परीक्षण गर्न सकिने - News Birat

नेपाललाई भारतकाे पीसीआर टेस्ट किट, ३० हजार व्यक्तिको परीक्षण गर्न सकिने

न्यूज विराट

काठमाडाैं, २६ जेठ-भारतले ३० हजार व्यक्तिको जाँच क्षमताको कोभिड–१९ पीसीआर टेस्ट किट नेपाललाई सहयाेगस्वरूप उपलब्ध गराएकाे छ । भारत सरकारका तर्फबाट नेपालका लागि भारतीय राजदूत विनय मोहन क्वात्राले स्वास्थ्यमन्त्री भानुभक्त ढकाललाई माइ ल्याबले उत्पादन गरेको प्याथोडिटेक्ट कोभिड–१९ क्वालिटेटिभ आरटी पीसीआर टेस्ट किट हस्तान्तरण गरेका हुन् ।

ती टेस्ट किटहरूको सहयोगले नेपालमा ३० हजार व्यक्तिको पीसीआर परीक्षण गर्न सकिने स्वास्थ्य मन्त्रालयले जनाएकाे छ । १० वैशाखमा राजदूत क्वात्राले सरकारलाई २३ टन औषधि हस्तान्तरण गरेका थिए ।

राजदूत क्वात्राले भारत सरकार काेराेना महामारीले निम्त्याएकाे चुनौतीमा नेपाल सरकार, स्वास्थ्यकर्मी तथा नेपाली नागरिकसँग ऐक्यभाव जनाएकाे बताए ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles