विराटनगर, २५ जेठ-प्रदेश १ को नीति कार्यक्रममाथि छलफल सुरू भएको छ । प्रदेश १ का प्रदेश प्रमुख सोमनाथ अधिकारी (प्यासी) ले प्रदेशसभामा प्रस्तुत गरेको आर्थिक वर्ष ०७७/७८को नीति कार्यक्रम माथि आज देखि छलफल सुरू भएको हो ।

नीति तथा कार्यक्रम माथिको छलफलमा बोल्दै सांसदहरूले नीति र कार्यक्रममा ठोस कार्यक्रम आउनुपर्नेमा जोड दिए । छलफलमा स्वदेशी उत्पादनको उपयोगलाई प्राथमिकता दिन, स्वदेशी कृषि उपजको मूल्य निर्धारण र बजार व्यवस्थापन गर्न सांसदहरूले माग गरे । छलफलमा सांसद उपेन्द्र घिमिरे, उमिता विक, प्रतापप्रसाद हाङ्माङ, राजकुमार ओझा, विमल कार्कीलगायतले बजेटबारे धारणा राखेका थिए ।