रौतहट बम विस्फोटन प्रकरण: आलमका सहयाेगी पक्राउ - News Birat

रौतहट बम विस्फोटन प्रकरण: आलमका सहयाेगी पक्राउ

न्यूज विराट

काठमाडौं, २५ जेठ-प्रहरीले रौतहट बम विस्फोट घटना एक अभियुत्तलाई पक्राउ गरेको छ । पक्राउ पर्नेमा बाराको सिम्राैनगढ नगरपालिका–४ का ५५ वर्षीय मुक्ति साह छन् ।

उनलाई प्रदेश २ को प्रहरी टोलीले शनिबार पक्राउ गरेको प्रदेश प्रहरी प्रमुख डीआईजी धीरजप्रताप सिंहले जानकारी दिएका हुन् । रौतहट घटनाका फरार अभियुक्तलाई पक्राउ गर्न गएको प्रहरी टोलीले यसअघि ८ जेठमा १२ राउण्ड गोलीसमेत चलाएको थियो ।

रौतहटको राजपुर बम विस्फोटनकाे घटनामा रौतहट क्षेत्र नम्बर– २ का सांसद तथा पूर्वमन्त्री मोहम्मद अफताव आलमका भाइ मेहेताव आलमसहित ३ जना फरार भएका थिए ।  उक्त घटनाका मुख्य अभियुक्त मोहम्मद अफताव आलम रहेको प्रहरीको भनाइ छ ।

उनी गत २६ असोजमा पक्राउ परेका थिए । २७ चैत २०६४ मा राजपुरमा भएको साे बम विस्फोटनमा १६ जना घाइते र ३ जनाकाे मुत्यु भएको थियो । आलम हाल पुर्पक्षका लागि नख्खु कारागारमा चलान भएका छन् । शनिबार पक्राउ परेका साह आलमका सहयोगी भएको प्रहरीको दाबी छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles