‘खाद्य पदार्थमा स्वच्छता, हामी सबैको प्रतिवद्धता’ - News Birat

‘खाद्य पदार्थमा स्वच्छता, हामी सबैको प्रतिवद्धता’

न्यूज विराट

काठमाडौं, २५ जेठ-आज विश्व खाद्य दिवस । ‘खाद्य पदार्थमा स्वच्छता, हामी सबैको प्रतिबद्धता’ भन्ने मूल नाराका साथ मनाइँदै छ । दिवसका अवसर पारेर प्रधानमन्त्री केपी शर्मा ओलीले देश तथा विदेशमा रहेका सबै नेपालीलाई खाद्य दिवसको शुभकामना दिएका छन् ।

आइतबार विज्ञप्ती जारी गर्दै प्रधानमन्त्री ओलीले संविधानले हरेक नेपालीका लागि खाद्य सम्बन्धी हक र खाद्य सम्प्रभुताको हक सुनिश्चित गरेको उल्लेख गरेका छन् ।

विज्ञप्तीमा प्रधानमन्त्री ओलीले नगरिकको खाद्य सम्बन्धी हकलाई परिपूर्ण बनाउँदै सरकारले ‘कोही भोकै पर्दैन, कोही भोकले मर्दैन’ भन्ने नीति तय गरी कार्यान्वयनमा ल्याएको वताए ।

उनले भनेका छन्, ‘खान नपाएकै कारण ज्यान जाने अवस्थाको हामीले अन्त्य गरेका छौँ । खानेकुरा नभएर बालबालिकाले सडकमा माग्दै हिँड्नु पर्ने अवस्थाको अन्त्य गरी उनीहरूको व्वस्थापन गरेका छौँ ।’

यदाकदा कोही भोकै रहने अवस्था आए राज्यको सम्बन्धित निकायसम्म खबर पुर्‍याइदिन पनि समेत उनले सबैमा आह्वान गरेका छन् । कोरोना भाइरसको महामारीले अहिले विश्व कठीन मोडबाट गुज्रिरहेको अवस्थामा पनि खाद्य दिवस मनाउनु पर्ने प्रधानमन्त्रीद्वारा जारी सन्देशमा उल्लेख छ ।

सन् २०१८ डिसेम्बर २० का दिन संयुक्त राष्ट्र संघको महासभाले हरेक वर्ष ७ जूनमा विश्व खाद्य स्वच्छता दिवस मनाउने निर्णय गरे अनुसार सन् २०१९ देखि हरेक वर्ष विश्वव्यापी रुपमा खाद्य दिवस मनाइँदै आइएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles