एकै दिनमा ३ सय ३४ कोरोना संक्रमित थपिए - News Birat

एकै दिनमा ३ सय ३४ कोरोना संक्रमित थपिए

न्यूज विराट

काठमाडौं, २२ जेठ-नेपालमा अहिलेसम्मकै उच्च संख्यामा कोरोना भाइरस संक्रमित थपिएका छन् । बिहीबार नेपालमा थप ३३४  जनामा कोरोना भाइरस (कोभिड-१९) संक्रमण देखिएको हो ।

स्वास्थ्य तथा जनसंख्या मन्त्रालयका प्रवक्ता डा. विकास देकोटाले आज देशभरका विभिन्न प्रयोगशालामा गरिएको कोरोनासम्बन्धी परीक्षणमा थप ३१९ पुरुष र १९ जना महिला गरी ३३४  जनामा कोरोना संक्रमण पुष्टि भएको जानकारी दिएका हुन् ।  योसँगै नेपालमा २ हजार ६ सय ३४ जनामा कोरोना संक्रमण देखिएको छ ।

विराटनगरमा गरिएको परीक्षणमा १ जना, नारायणी अस्पतालमा गरिएको परीक्षणमा १ जना, बीपी कोइरला स्वास्थ्य विज्ञान प्रतिष्ठानमा मा गरिएको परीक्षणमा १८ जनामा कोरोना पोजिटिभ देखिएको छ ।

त्यसैगरी, हेटौँडाको प्रयोगशालमा गरिएको परीक्षणमा ९ जनामा, पोखराको प्रयोगशालमा १६ जना, सेती अस्पतालमा गरिएको परीक्षणमा ३ जनामा कोरोना संक्रमण पुष्टि भएको छ ।

त्यसैगरी, भेरी अस्पतालमा गरिएको परीक्षणमा ४२ जना, धुलिखेलमा गरिएको परीक्षणमा १७ जना र दाङमा गरिएको परीक्षणमा १५ जनामा कोरोना देखिएको छ ।

कर्णाली स्वास्थ्य विज्ञान प्रतिष्ठानमा गरिएको परीक्षणमा १ सय ६ जनामा, सुर्खेतमा गरिएको परीक्षणमा ८ जना, कोसी अस्पतालमा गरिएको परीक्षणमा ५ जना रहेका छन् ।

टेकुस्थित राष्ट्रिय जनस्वास्थ्य प्रयोगशालामा गरिएको परीक्षणमा ९३ जनामा कोरोना पोजिटिभ देखिएको छ । आज थप १२ जना संक्रमित डिस्चार्ज भएको डा देवकोटाले जानकारी दिए । योसँगै कोरोनालाई २९० जनाले जितेका छन् । पुरुषको संख्या २ सय ३४ रहेको छ भने  ५६ जना महिला रहेका छन् ।

बिहीबारसम्ममा ८४ हजार १ सय ३४ नमुनाको पीसीआर विधिबाट परीक्षण गरिएको छ । आरडीटी विधिबाट १ लाख २५ सय ५ सय ६४ जनाको परीक्षण गरिएको स्वास्थ्य मन्त्रालयले जनाएको छ ।

२४ घण्टाको अवधिमा ३ हजार ८ सय ६७ नमुनाको पीसीआर विधिबाट र ५ हजार १ सय ८५ जनाको आरडीटी विधिबाट परीक्षण गरिएको छ । देशभरका क्वारेन्टाइनमा १ लाख ६१ हजार २ सय ६२ जना रहेका छन् । २ हजार ३ सय ३५ जना आइसोलेसनमा रहेका छन् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles