रतुवामाईमा राजवंशी विकास समितिको भवन निमार्ण कार्य सुरु - News Birat

रतुवामाईमा राजवंशी विकास समितिको भवन निमार्ण कार्य सुरु

न्यूज विराट

विराटनगर, जेठ १८–मोरङको रतुवामाई नगरपालिका–४ स्थित झुर्किया बजारमा राजवंशी समाज विकास समितिको नगर सभाहल भवन निमार्ण हुने भएको छ । नेपाल सरको तराई मधेश समृद्धि कार्यक्रम मार्फत बहुबर्षीय योजनामा अन्तर्गत भवन निर्माण हुन लागेको हो ।

चालु आर्थिक वर्षमा सो भवनका लागि २५ लाख रुपैयाँ बिनियोजन भएको थियो । अढाई तले उक्त भवनको आइतबार नेकपा मोरङ जिल्ला कमिटी सचिव गणेश उप्रेतीले शिलान्यास गरे ।

उनले राजवंशी समाजले आफ्नो बंशावलीहरुको संरक्षण गर्न तथा नयाँ पुस्तासँग पनि आफ्नो बंशावलिको पहिचान दिनलाई राख्ने उद्धेश्य सहित राजवंशी समाजको भवन निमार्ण गर्ने लागेको समाजका अध्यक्ष रामबहादुर राजवंशीले जानकारी दिए ।

रतुवामईमा छरिएर रहेका सबै राजवंशीहरुलाई एकिकृत गर्दै राजवंशी बंशको जर्गेणा गर्ने उद्धेश्यले भवनको निमार्ण गर्न लागेको शिवनारायण राजवंशीले जानकारी दिए ।

शिलान्यास कार्यक्रममा नेकपा मोरङका सचिव उप्रेतीले राजवंशी समुदायको संस्कृती, सम्पदा र साहित्यलाई युगौँ युग सम्म संरक्षणमा टेवा पुग्ने बताए । शिलान्यास कार्यक्रममा नेकपा नगर इन्चार्ज सुमन कालिकोटे, वडा अध्यक्ष देवराज राजवंशीसहित अन्य समितिका सदस्य र स्थानीयको उपस्थिति रहेको थियो ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles