थप १३ जनाले जिते कोरोना, डिस्चार्ज हुनेको संख्या २ सय १९ पुग्यो - News Birat

थप १३ जनाले जिते कोरोना, डिस्चार्ज हुनेको संख्या २ सय १९ पुग्यो

न्यूज विराट

काठमाडौं, १७ जेठ-0शनिबार थप १३ जनाले कोरोना भाइरसको संक्रमणलाई जितेर घर फर्किएका छन् । कोरोनाको संक्रमणलाई पराजित गर्नेमा ७ वर्षीय बालकदेखि ४२ वर्षीय पुरुषसम्म छन् ।

स्वास्थ्य तथा जनसंख्या मन्त्रालयका प्रवक्ता विकास देवकोटाका अनुसार शनिबार काठमाडौंको टेकु अस्पतालबाट २ जना र बलम्बुस्थित सशस्त्र प्रहरीको अस्पतालबाट ११ जना डिस्चार्ज भएका हुन् ।

टेकु अस्पतालबाट काठमाडौंको बूढानीलकण्ठका ३८ वर्षीय पुरुष र टोखा-७ ४० वर्षीय पुरुष डिस्चार्ज भएका हुन् । उनीहरू अस्पताल भर्ना भएको ५ दिनमा कोरोनालाई जितेर घर फर्किएका हुन् ।

त्यसैगरी कोभिड-१९ युनिफाइड अस्पताल बलम्बुबाट देशका विभिन्न जिल्ला स्थायी बसोबास भइ काठमाडौंमा बस्दै आएका ७ देखि ४२ वर्ष उमेरका ९ जना डिस्चार्ज भएका छन् । उनीहरूमध्ये ६ जना पुरुष र ३ जना महिला रहेका छन् । उनीहरू १० देखि १५ दिनसम्मको अस्पताल बसाइँपछि डिस्चार्ज भएका हुन् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles