६ लाख नेपालीको कोरोना परीक्षण गर्छौं : प्रधानमन्त्री - News Birat

६ लाख नेपालीको कोरोना परीक्षण गर्छौं : प्रधानमन्त्री

न्यूज विराट

काठमाडौं, जेठ १२-प्रधानमन्त्री केपी शर्मा ओलीले नेपालको जनसंख्याको कम्तिमा २ प्रतिशतको कोरोना भाइरस (कोभिड-१९) संक्रमण भए/नभएको परीक्षण गर्ने प्रतिबद्धता जनाएका छन् । सोमबार राष्ट्रका नाममा सम्बोधन गर्दै कम्तीमा जनसंख्याको २ प्रतिशत अर्थात् ६ लाख नेपालीको पीसीआर विधिबाट कोरोना भाइरस परीक्षण गरिने जनाएका हुन् ।

प्रमुख प्रतिपक्ष नेपाली कांग्रेस र विज्ञहरूले पनि ३ प्रतिशत जनसंख्यामा कोरोना भाइरस संक्रमण परीक्षण गर्नको लागि आग्रह गरेकोमा प्रधानमन्त्रीले ओलीले २ प्रतिशत जनतामा कोरोना भाइरस परीक्षण गरिने बताएका हुन् ।

उनले कोरोना नियन्त्रणमा अन्य देशको तुलनामा नेपाल अघि रहेको दाबी गरेका छन् । नेपालमा कोरोना संक्रमित २ महिनेदेखि ८१ वर्षीय वृद्धसम्मले कोरोना भाइरसलाई जितेर घर फर्किनु नै नेपालको लागि सफलता भएको बताएका हुन् । प्रधानमन्त्री ओलीले १ प्रयोगशालाबाट सुरु गरिएको परीक्षण अहिले २० माथि पुर्‍याएको बताए ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles