बुटवल, ८ जेठ-प्रदेश-५ सरकारले १० जेठमा नीति तथा कार्यक्रम प्रस्तुत गर्ने भएको छ । बिहीबार बसेको मन्त्रिपरिषद्को बैठकले प्रदेश सरकारको नीति कार्यक्रम जेठ १० गते ३ बजे प्रदेशसभामा प्रस्तुत गर्न प्रदेश प्रमुखलाई अनुरोध गर्ने निर्णय गरेको छ ।

यस पटक निती तथा कार्यक्रममा स्वास्थ्य, कृषि, रोजगार र विकास निर्माणलाई प्राथमिकता दिइएको छ । प्रदेशसभाको बजेट अधिवेशन भोलिबाट सुरु हुँदैछ ।

त्यस्तै, मन्त्रिपरिषदको बैठकले प्रदेशमा आइसोलेसन बेड थप गर्ने निर्णय पनि गरेको छ । तराईका जिल्लामा २ सय बेड र पहाडका जिल्लामा ५० बेडेको आईसोलेसन केन्द्र बनाउने निर्णय गरिएको हो । निर्माण हुने आइसोलेसन केन्द्रमा पीसीआर पोजेटिभ देखिएको र लक्षण नदेखिएका बिरामीलाई राखिनेछ । उक्त आइसोलेसन केन्द्रमा लाग्ने खर्च कोभिड-१९ कोषबाट दिने निर्णय पनि बैठकले गरेको छ ।

त्यस्तै, बैठकले प्रदेश सभामा प्रमुख प्रतिपक्ष दल कांग्रेस संसदीय दलका नेता बलदेव शर्मा पोखरेलको निधन भएकोमा बीमा बापतको १० लाख रुपैयाँ प्रदान गर्ने निर्णय पनि बैठकले गरेको छ ।