एजेन्सी, जेठ १-न्युजिल्यान्डका वैज्ञानिकहरूले अद्भूत खोज गर्दै पृथ्वीबाट २५ हजार प्रकाश वर्ष टाढा पृथ्वीजस्तै ग्रह पत्ता लागेको बताएका छन् । ग्रह पत्ता लगाएको बताए पनि वैज्ञानिकहरूले हालसम्म कुनै नाम राखेका छैनन् । तर, यो पत्ता लगाउने माइक्रोलेन्सिङको नाम ओजीएलई–बीएलजी–०६७७ हो ।

वैज्ञानिकले सूर्यको १० भागको एक भागबराबरको एक ताराको यस ग्रहले चक्कर लगाइरहेको बताएका छन् । न्युजिल्यान्डको केन्टरबरी विश्वविद्यालयका वैज्ञानिकले यस्तो अद्भूत खोज १० लाखमा एक पटक हेर्न पाइने दाबी गरेका छन् ।

खगोलविद्हरूले सौर्य प्रणालीभन्दा बाहिर हालसम्म यस्ता ४ हजार ग्रह भेटिएको  बताएका छन् । यिनीहरूमध्ये एकतिहाइ मात्रै ग्रहमा चट्टान पाइएको छ । जसमध्ये केही ग्रहको कक्ष मात्रै पृथ्वीको जस्तो रहेको छ ।

अनौठो ग्रहको खोजी गर्ने वैज्ञानिकले यो ग्रहले परिक्रमा गरिरहेको तारा धेरै सानो रहेको र यसबारेमा कुनै थप जानकारी प्राप्त हुन नसकेको बताएका छन् ।

न्युजिल्यान्डको केन्टबरी विश्वविद्यालयमा अनुसन्धान गर्ने प्रमुख वैज्ञानिक हेरेरा मार्टिनले नयाँ ग्रहको आकार, कक्ष र अवस्थितिको खोज निकै महत्त्वपूर्ण हुने विश्वास व्यक्त गरेका छन् ।