काठमाडौं, ३१ वैशाख-स्वास्थ्य मन्त्रालयले पत्रकारलाई प्रवेशमा कडाइ गरेको छ । स्वास्थ्य तथा जनसंख्या मन्त्रालयका प्रशासन महाशाखा प्रमुख रघुराम विष्टले कोरोना संक्रमण जोखिमका कारण पत्रकारलाई प्रवेशमा कडाइ गरिएको बताए ।

तर, मन्त्रालयकाे सूचना बाहिरिएको भन्दै पत्रकारलाई मन्त्रालय प्रवेशमा रोक लगाइएको एक कर्मचारीले बताए । ‘मन्त्रालयको आन्तरिक मिटिङ बसेरै पत्रकारलाई प्रवेशमा कडाइ गर्ने निर्णय भएकाे हो,’ ती कर्मचारीले भने । उनका अनुसार अब के कामका लागि कसलाई भेट्नुपर्ने हो, सबै विवरण खुलाएपछि मात्र मन्त्रालयका अधिकारीलाई भेट्न पाइने भएको छ ।