काठमाडौं, २९ वैशाख-परराष्ट्रमन्त्री प्रदीप ज्ञवालीले सीमा क्षेत्रमा नेपालको उपस्थिति कमजोर भएको स्वीकार गरेका छन् । संसदको अन्तर्राष्ट्रिय सम्बन्ध समितिको बैठकमा भारतसँग सीमा जोडिएका पश्चिमी नाकामा केही दिनमै बीओपी थप गर्ने प्रतिबद्धता जनाएका छन् ।

सीमा क्षेत्रमा सुरक्षा संयन्त्र कमजोर भएको स्वीकार गर्दै उनले दार्चुलाको नेपाल भारत सीमा क्षेत्रमा केही दिनमै बीओपी थप गर्ने जानकारी गराए ।

सीमा क्षेत्रमा हाल २३ हजार ६ सय १६ जना सुरक्षाकर्मी परिचालन गरिएको र त्यसलाई बढाउने उनको प्रतिबद्धता छ । उनले भारतले नेपालको सीमा मिचेर सडक निर्माण गरेको विषयमा भारतसँग तत्काल छलफल गर्ने पक्षमा आफूहरु रहेको बताए ।