विराटनगर, बैशाख २६–विराटनगरको एक मुस्लिम परिवारले ५० परिवारलाई राहत वितरण गरेको छ । मुस्लिम समुदायको पवित्र रमजान पर्वका अवसरमा विराटनगर–१ का नौसाद अन्सारीको परिवारले स्थानीय ५० विपन्न परिवारलाई राहत वितरण गरेको हो ।

विश्वव्यापी महामारीका रुपमा फैलिएको कोरोना भाइरस (कोभिड–१९) संक्रमणको जोखिमलाई मध्यनजर गर्दै गत चैत ११ गतेदेखि जारी बन्दाबन्दीका कारण जिवन यापनमा समस्या हुँदै जान थालेपनी अन्सारीले वडाका विपन्न तथा एकल महिलाहरुलाइ सारी, चामल र दाललगायतका राहत सामाग्री घर घरमै पुगेर बितरण गरेका हुन् ।

मुस्लिम समुदायले दान दिनु, गरीब र दीन दुःखीलाई सेवा गर्नु रमजान महिनाको ठूलो विशेषता रहेकाले आफुले थोरै भएपनी सहयोग गरेको अन्सारीले बताए । ‘सबै धर्म एउटै हो खाली सोच्ने आधार मात्र फरक हो । उनले भने,‘ मैले पनि रमजान पर्वका अवसरमा सकेको सहयोग गरेको हुँ ।