‘लिम्पियाधुरा/लिपुलेक नेपाली भूमि हो । त्यहाँ रहेका भारतीय सेना फिर्ता गर्नुको सट्टा लिपुलेकसम्म बाटो बनाई यातायातको निमित्त खोलिएको तथ्य सार्वजनिक भएको छ’ उनले आज ट्विट गर्दै भनेका छन्, ‘भारत सरकारको यस कार्यको भत्सर्ना गर्दछु, यसबारे नेपाल सरकारको उदासिनता खेदजनक छ । अविलम्ब आवश्यक कदम चाल्न सरकारसँग माग गर्दछु ।’

नेपाली भूमिमा भारतले एकतर्फी रूपमा सडक बनाएको विषयमा नेपाल सरकारले भने कुनै प्रतिक्रिया दिइसकेको छैन । आज भारतीय रक्षामन्त्री राजनाथ सिंहले भारतबाट चीनसम्मको सीमा जोड्ने ८० किलोमिटर लामो सडकमार्गको भिडियो कन्फ्रेन्समार्फत उद्घाटन गरेका हुन् ।