काठमाडौं, १५ वैशाख-काठमाडौं माहानगरपालिकाले लकडाउनको अवधिमा आफ्नो सक्रियता बढाएको छ । लकडाउन अवधिमा कतिपय विकास निर्माणका कामदेखि महानगरको सरसफाई र राहात वितरणमा सक्रियता बढाइएको काठमाडौं महानगरपालिका प्रमुख विद्यासुन्द शाक्यले बताए ।

महानगरप्रमुख शाक्यले ४५ औँ कार्यपालिकाको बैठकमा राखेको विवरणअनुसार लकडाउन अवधिमा ६८ हजार ६ सय जनाभन्दा बढीलाई महानगरले राहात सामाग्री उपलब्ध गराएको छ ।

विभिन्न वडा कार्यालयहरुमार्फत खान पाएनौ भन्ने १९ हजार ७ सय २३ जनालाई विभिन्न वडा कार्यालयमा निशुल्क खाना खुवाइएको महानगरले जनाएको छ ।