पछिल्लो २४ घण्टामा प्रदेश १ मा ४१९ संक्रमित थपिए
विराटनगर, २७ असोज–प्रदेश १ मा पछिल्लो २४ घण्टामा चार सय १९ जना कोरोना संक्रमित थपिएका छन् । सुनसरीमा तीन सय ४४, मोरङमा ५६, झापामा सात, उदयपुरमा छ, संखुवासभामा तीन, भोजपुर, पाँचथर र प्रदेश १ बाहिरका...
पोखरा, १४ वैशाख-अन्नपूर्ण पदमार्गमा आएकोे हिमपहिरोमा हराएकामध्ये थप २ जनाको शव फेला परेको छ । गत ३ माघ अन्नपूर्ण पदमार्गको हिँकु खोँचमा आएको हिमपहिरोमा हराएकामध्ये २ जना कोरियाली नागरिकको शव फेला परेको कास्की प्रहरी प्रमुख एसपी दानबहादुर कार्कीले जानकारी दिए । सो हिमपहिरोमा ४ जना कोरियाका र ३ जना नेपाली हराएका थिए ।
हराएकामध्ये २ जना नेपाली गाइडको शव यसअघि नै फेला परिसकेको एसपी कार्कीले बताए । २ जना कोरियनको अन्नपूर्ण गाउँपालिकास्थित हिँकु खोँच र देउरालीको बीचमा पर्ने मोदी नदी किनारमा स्थानीयले शव फेला परेको उनले बताए ।
शव नेपाली सेनाको हेलिकोप्टरमार्फत काठमाडौं लैजाने तयारी भएको एसपी कार्कीले जानकारी दिए ।हिमपहिरोमा बेपत्ता भएका २ नेपालीमध्ये १ को शव चैतमै फेला परेको थियो । अर्का १ जनाको शव भने ४ दिनअघि फेला परेको थियो । अहिले हिउँ पग्लिएका कारण शव खोज्न थालिएको हो । हिमपहिरोमा परेका ३ जना अझै बेपत्ता छन् ।
