सुनको मूल्य प्रतितोला १ लाख नजिक
काठमाडौं, साउन १६-पछिल्लो दिनहरुमा सुनको मूल्य लगातार बढ्दै नयाँ रेकर्ड राखेको छ । सुनको मूल्य बढेर प्रतितोला १ लाखको नजिक पुगेको छ । बिहीबारको तुलनामा शुक्रबार सुन तोलामा ३ सयले बढेको छ भने चाँदी २५...
विराटनगर, २० चैत-प्रतिकूल अवस्थामा स्थानीय सरकारले खाद्य सामाग्री वितरण अभियान चलाएपछि इटहरीका विपन्न परिवारले राहत महसुस गरेका छन् । । इटहरी उपमहानगरपालिकाले लकडाउनको अवधि थपिएपछि दैनिक ज्यालादारीमा काम गर्ने २० वटै वडाका १० हजार परिवारलाई राहत वितरण थालेको हो ।
इटहरी उपमहानगरपालिकाले राहत वितरण गर्न सबै वडामा खाद्य सामग्री पठाइरहेको छ । वडा नम्वर १, २, ५, ९, १३, १४, १५, १६, १७ र १८ मा खाद्य सामग्री पठाइएको उपमहानगरले जनाएको छ ।
लकडाउनका कारण इटहरीमा भोकमरीको अवस्था आउन नदिन एक हप्तालाई पुग्ने राहत वितरण थालिएको हो । अत्यावश्यक सामाग्री पाएपछि विपन्न परिवारले राहत महसुस गरेका छन् ।
इटहरी उपमहानगरको शनिबार बसेको कार्यपालिकाको बैठकले प्रति परिवारलाई करिब ८०० रुपैयाँ बराबरको तेल चिनी, दाल, नुन चामल वितरण गर्ने निर्णय गरेको थियो ।
उपमहानगरपालिकाको निर्णयअनुसार करिब १० केजी चामल र एक केजी नून र आधा लिटर तेलका दरले प्रति परिवार राहत वितरण सुरु गरिएको इटहरी ९ नम्बर वडाका वडाध्यक्ष भूपेन्द्र बरालले जानकारी दिए ।
वडाको सिफारिसअनुरुप विपन्न र दैनिक ज्यालादारी गरेर जीविकोपार्जन गर्ने नागरिकको लगत संकलन गरी राहत वितरण गरिँदैछ । यता, उपमहानगरले लकडाउनको समयमा खाद्यान्न तथा अत्यावश्यक सामग्री घर–घर पुर्याउन इटहरीस्थित गोरखा डिर्पाटमेन्ट स्टोरको सहकार्यमा प्रत्येक वडामार्फत खाद्य बस्तु बिक्री वितरणसमेत गरिरहेको छ ।
