सरकारले ओम्नी समूहसँग गरेको विवादास्पद सम्झौता रद्द गरेको छ ।चीनबाट समयमै र गुणस्तरीय सामाग्री ल्याउन नसकेपछि ओम्नी समूहसँग सम्झौता रद्द गरेको हो । स्वास्थ्य सेवा विभागले ओम्नी समूहसँग भएको उपकरण खरिद सम्झौता रद्द गर्ने निर्णय गरेको महानिर्देशक महेन्द्र श्रेष्ठले जानकारी दिए ।

नेपालमा पनि कोरोना भाइरसका संक्रमित देखिएपछि सरकारले चीनबाट चीनबाट स्वास्थ्य उपकरण ल्याउन यो समूहसँग सम्झौता गरेको थियो । विभागले उक्त कम्पनीसँग सम्झौता रद्द गर्नुका साथै ५ करोड रुपैयाँ धरौटी जफत गर्ने निर्णय स्वास्थ्य मन्त्रालयले गरेको हो ।

चीनबाट ल्याइएका र्‍यापिट टेस्ट किट गुणस्तरहीन भएको भन्दै आलोचना भएको थियो । महानिर्देशक श्रेष्ठले चीनबाट ल्याइएका सामग्रीको गुणस्तर परीक्षण गरेरमात्रै प्रयोगमा ल्याइने बताए ।